అల్లాహ్ సామిప్యం పొందడానికి మంచి సమయం

ఉషస్సు సమయంలో అశ్రద్ధుల కళ్లు నిద్రతో మూతబడి ఉంటాయి. చుట్టుప్రక్కలు ప్రశాంతంగా ఉంటుంది. ఈలోకపు జీవిత శబ్ధాలూ, అరుపులూ ఏమీ ఉండవు. మనిషి ఆలోచలను నిరంతరం కట్టిపడేసే కారణాలు కూడా నిశబ్ధంగా ఉంటాయి. ఆ సమయంలో కొందరు అల్లాహ్ సన్నిధికి చేరి ఆయన పట్ల వినయవిధేయతలు చాటుకుంటారు మరియు నమాజ్ చదువుతారు మరియు తాము చేసిన తప్పుల పట్ల పశ్చాత్తాపాన్ని వ్యక్తం చేస్తారు. వారి గురించే ఇమామ్ జాఫరె సాదిఖ్[అ.స] ఇలా సూచించారు: “... ఉషస్సు సమయంలో విత్ర్ నమాజ్ లో 70 సార్లు అల్లాహ్ ను క్షమించమని కోరేవారు వారే”
ఎవరైతే అల్లాహ్ పట్ల ధర్మనిష్ట కలిగి ఉంటారో, పాపముల నుండి దూరంగా ఉండేందుకు ప్రయత్నిస్తూ ఉంటారో వారి ఈ ధర్మనిష్టయే వారికి అల్లాహ్ యొక్క శిక్ష ను గుర్తుచేస్తూ ఉంటుంది. మరి అదే వారికి పాపం చేసిన వెంటనే అస్తగ్ఫార్ చేయిస్తుంది. అలా అల్లాహ్ కారుణ్యానికి దగ్గరవుతారు. [బిహారుల్ అన్వార్, భాగం67, పేజీ279]
రిఫ్రెన్స్
ముహమ్మద్ బాఖిర్ మజ్లిసీ, బిహారుల్ అన్వార్, దారు ఇహ్యాయిత్ తురాస్ అల్ అరబీ, 1403ఖ