.ఖుర్ఆన్ యొక్క 28వ సూరహ్ అయిన ఖసస్ గురించి సంక్షిప్త వివరణ.
ఖుర్ఆన్ యొక్క 28వ సూరా ఇది. “ఖసస్” అనగ కథలు, “ఖిస్సహ్” యొక్క బహువచనం. ఈ సురాకు సంబంధించిన ఆయత్ ఈ సూరాలోని 25వ ఆయత్. ఈ సూరాలో “ఖసస్” అను పదం 3 సార్లు మరియు పూర్తి ఖుర్ఆన్ లో 26 సార్లు వచ్చింది. ఈ సూరాలో 88 ఆయత్లు, 1439 పదాలు మరియు 5933 అక్షరాలు ఉన్నాయి. ఈ సూరాలో అల్లాహ్ పదం 27 సార్లు వచ్చింది. ఈ సూరా మక్కాలో అవతరించబడింది. దీని కన్నా ముందు “నమ్ల్” సూరా మరియు దీని తరువాత “అస్రా” సూరా అవతరించబడ్డాయి. దీని పేరు “ఖసస్” అని పెట్టడానికి కారణం ఇందులో చాలా సంఘటనలను కథలుగా చెప్పబడడం. ఈ సూరహ్ యొక్క ప్రత్యకత ఏమిటంటే ఇందులోనే ప్రవక్త మూసా(అ.స) మరియు షుఐబ్(అ.స)ల సంఘటన ఉంది. ఈ సూరహ్ ప్రతిష్టత గురించి దైవప్రవక్త[స.అ] ఇలా ప్రవచించెను “ఎవరైతే ఖసస్ సూరహ్ ను పఠిస్తారో అతనికి హజ్రత్ మూసా(అ.స) యొక్క సమూహానికు పది ఒంతులు ఎక్కువ పుణ్యం లభిస్తుంది. ఇహపరములలో ఉన్న దైవదూతలందరు ప్రళయం నాడు అతడు సత్యవంతుడు అని సాక్ష్యమిస్తారు”
వ్యాఖ్యానించండి