దైవప్రవక్త[స.అ] ఆశ్రయానికి కారణం

దైవప్రవక్త[స.అ] ఉల్లేఖనం: “ఎవరైతే నామాధిరి జీవించాలని, నా మాధిరి మరణించాలని మరియు శాశ్వతంగా అల్లాహ్ సృష్టించిన స్వర్గం ఉధ్యానవనంలో ఉండే ఆశ గనుక ఉంటే నా తరువాత అలీ[అ.స] మరియు వారి అనుచరులను ఇష్టపడండి. నా అహ్లెబైత్[అ.స]లకు విధేయులై ఉండండి. వీరే నా ఇత్రత్ వీరు నా మాధిరి సృష్టించబడ్డారు. వీరికి నా జ్ఞానం, నా తెలివి ప్రసాదించబడ్డాయి. నా ఉమ్మత్‌లో వీరి ప్రతిష్టతను నిరాకరించినవాళ్ళ కొరకు మరియు వారి నుండి దూరమైనవాళ్ళ కొరకు నరకం (వేచివుంటుంది). మరి వాళ్ళకు ఏమాత్రం నా ఆశ్రయం ఉండదు”[ముస్తద్రక్, భాగం3, పేజీ128]
ఈ హదీస్ తన భావంలో చాలా స్పష్టతను వ్యక్తం చేస్తుంది. ఇందులో ఎటువంటి వివరణ మరియు సందేహాలకు చోటు లేదు. మరి ఇందులో స్పష్టంగా వివరించిన విషయం ఏమిటంటే ఒకవేళ ఎవరైనా అలీ[అ.స]ను ఇష్ట పడకపోయిన మరియు అహ్లెబైత్[అ.స]ల పట్ల విధేయతగా ఉండక పోయినా ప్రళయం నాడు దైవప్రవక్త[స.అ] ఆశ్రయం వాడికి దక్కదు.

రిఫరెన్స్
ముస్తద్రక్, భాగం3, పేజీ128. జామెఅయే కబీరె తబరాని. ఇసాబహయే ఇబ్నె హజరె అస్కలాని. కన్జుల్ ఉమ్మాల్, భాగం 6, పేజీ155. మనాఖిబె ఖారజ్మీ, పేజీ34. యనాబీవుల్ మవద్దహ్, పేజీ 149. హిల్యతుల్ ఔలియహ్. తారీఖుల్ ఇబ్నె అసాకిర్, భాగం2, పేజీ 95.