ఇహపరలోకాల పంటలు

ఎవరయితే పరలోక పంటను ఆశిస్తాడో, మేమతనికి అతని పంటలో సమృద్ధిని ఇస్తాము. మరెవరయితే ఇహలోక పంటను ఆశిస్తాడో అతనికి మేము అందులో నుంచే ఎంతో కొంత ఇస్తాము. ఇలాంటి వ్యక్తికి పరలోకంలో ఏ భాగమూ ఉండదు.[షూరా:20]
ఈ ఆయత్ ను కొంచె దృష్టి పెట్టి చూసినట్లైతే పరలోక పంటను ఆశిస్తున్నవాడికి అందులో సమృద్ధిని ఇస్తాము అని చెప్పబడుతుంది అంతేగాని ఇహలోక పంటను ప్రసాదించము అని అనబడలేదు. కాని ఇహలోక పంటను ఆశించేవారికి ఇక్కడే ఎంతోకంత ఇవ్వబడుతుంది కాని పరలోకంలో ఏ భాగమూ ఉండదు.
ఈ విధంగా చూసినట్లైతే ఇహలోకాన్ని ఆశించేవారు ఆశించినంతగా లభించదు. పరలోకాన్ని ఆశించిన వారు ఇహలోకంలో కూడా భాగమూ కలిగి ఉన్నారు. తేడా ఏమిటంటే ఇహలోక అభిలాషి ఖాళీ చేతులతో పరలోకానికి చేరుతాడు, పరలోక అభిలాషి చేతులు నిండుగా చేరుతాడు.[తఫ్సీరె నమూనహ్, భాగం20, పేజీ420]

రిఫరెన్స్
తఫ్సీరె నమూనహ్, ఆయతుల్లాహ్ మకారిమ్ షీరాజీ, దారుల్ కుతుబిల్ ఇస్లామియహ్, చాప్26.