ఇమాం అలి[అ.స] ల వారి సాదా సీదా జీవితాన్ని వివరించే ఒక సంఘటన.
సవీద్ బిన్ గఫ్ల ఈ విధంగా ఉల్లేఖిస్తున్నారు: ఇమాం అలి[అ.స] ల వారి ఖిలాఫత్ యొక్క సమయంలో ఒక రోజు నాకు వారి ఇంటికి వెళ్ళే అదృష్టం లభించింది.నేను వారి ఇంటికి వెళ్ళి నప్పుడు వారిని కేవలం ఒక చిన్నపాటి మామూలైన చాపపై కూర్చుని ఉండటం చూసాను.అది తప్ప నాకు ఆ ఇంట్లో వేరే ఇతర వస్తువు కనిపించలేదు.అప్పుడు నేను ఇమాం అలి[అ.స] ల వారితో “ఓ అమీరుల్ మోమినీన్! ఈ బైతుల్ మాల్[ప్రభుత్వ ఖజానా] మొత్తం మీ చేతులలోనే ఉంది కదా,కానీ నాకు మీ ఇంట్లో కేవలం ఒక్క ఈ చిన్నపాటి చాప ఒక్కటే కనిపిస్తుంది,వేరే ఇతర అవసరమైన సామగ్రి లేదు” అని అన్నాను.దానికి ఇమాం అలి[అ.స] ల వారు “ఓ గఫ్లా కుమారుడా! తెలివైన వారికి తాము ఉంటున్నా ఇంట్లో వారు శాస్వతంగా లేమని,ఆ ఇంటిని వదిలి వెళ్ళాలని తెలిసినప్పుడు వారు ఆ ఇంట్లో సామాగ్రిని పోగుచేసుకోరు.మా సుఖశాంతుల యొక్క నివాసము మున్ముందు ఉన్నది.మేము [అక్కడ పనికివచ్చే] మంచి సామాగ్రిని ముందే పంపించి ఉన్నాము.తొందరలోనే ఆ నివాసానికి వెళ్ళనున్నాము మరియు అక్కడ సుఖసంతోషాలతో జీవించనున్నాము” అని అన్నారు.
రెఫరెన్స్: దాస్తాన్ హాయె బిహారుల్ అన్వార్,4వ భాగం,పేజీ నం:39.
వ్యాఖ్యానించండి