ఈదుల్ ఫిత్ర్ నమాజ్ విధానం

రమజాన్ పవిత్ర మాసం పొడుగునా ఉపవాసదీక్ష నిర్వహించిన ముస్లిములందరూ షవ్వాల్ నెల మొదటి రోజున రెండు రక్అత్ నమాజ్ చదువుతారు, దానిని చేసే విధానం:
రెండు రక్అత్ నమాజ్ ఈ ఉద్దేశంతో చదవాలి “దో రక్అత్ నమాజే ఈదుల్ ఫిత్ర్ పఢ్తా/పఢ్తీ హూఁ ఖుర్బతన్ ఇలల్లాహ్”(రెండు రక్అత్ నమాజ్ చదువుతున్నాను అల్లాహ్ సామీప్యం పొందెందుకు).
మొదటి రక్అత్: “అల్ హంద్” సూరా తరువాత “సబ్బిహిస్మ రబ్బికల్ అ’లా” సూరాను చదవాలి(సూరా నెం:87) చదవాలి. ఆ తరువాత రెండు చేతులూ పైకెత్తి(ఖునూత్) ధార్మిక గ్రంథాలలో ఉన్న విధంగా ఒక ప్రత్యేక పఠనాన్ని ఐదు సార్లు చదవాలి, ప్రతీ పఠనం మధ్య చెతులను చెవుల వరకు ఎత్తి ఒకసారి “అల్లాహు అక్బర్” అని చెప్పాలి.
రెండవ రక్అత్: “అల్ హంద్” సూరా తరువాత “వష్షంస్” సూరాను చదవాలి(సూరా నెం:91). ఇక్కడ కూడా ఖునూత్ చదవాలి కాని కేవలం నాలుగు సార్లు మాత్రమే.
ఈ నమాజ్
లో పై చెప్పబడిన సూరాలు కంఠస్తం లేకుంటే వేరే ఏ సూరానైనా చదవగలరు. [మఫాతీహుల్ జినాన్, రమజాన్ ప్రార్ధనా విధానాల భాగంలో]

రిఫ్రెన్స్
షేఖ్ అబ్బాస్ ఖుమ్మీ, మఫాతీహుల్ జినాన్, రమజాన్ ప్రార్ధనా విధానాల భాగం నుండి.