ఆయతుల్ కుర్సీ ప్రాముఖ్యత

ఆయతుల్ కుర్సీ పవిత్ర ఖురాన్ యొక్క గొప్ప మరియు అత్యంత పవిత్రమైన ఆయతులలో  ఒకటి, హదీసులలో దాని గురించి చాల రకమైన ఆధ్యాత్మిక ఫలితాలు లిఖింపబడ్డాయి,వాటిలో కొన్నింటిని మేము ఇక్కడ ప్రస్థావిస్తున్నాము:
1. నమాజు స్వీకరింపబడుతుంది
మహాప్రవక్త[స.అ.వ] ఈ విధంగా ఉల్లేఖించారు: "ఎవరైతే ప్రతీ నమాజు తరువాత దీనిని పఠిస్తారో వారి నమజు ఆ దేవుని సన్నిధిలో స్వీకరింపబడును మరియు మరియు అతను ఆపత్తుల నుండి ఆ దేవుని రక్షణలో ఉంటాడు.
2. ప్రతీ నమాజు తరువాత దానిని పఠించటం
మహప్రవక్త ఈ విధంగా సెలవిచ్చారు: "ఎవరైతే దీనిని(ఆయతుల్ కుర్సీని) ప్రతీ నమాజు తరువాత పఠిస్తారో వారిపై ఏడు ఆకాశద్వారాలు తెరువబడి, ఎప్పటి వరకు ఐతే ఆ అల్లాహ్ క్రుపాద్రుష్టితో అతనివైపు చూడడో ఆకాశద్వారాలు మూసుకుపోవు, దాని తరువాత అల్లహ్ ఒక దేవదూతను ఆ వ్యక్తి కర్మచిట్టాలలో తరువాతి రోజు వరకు ఉపకారములు వ్రాయవలెనని మరియు అతని అపరాధములు చెరిపివేయమని ఆజ్ఞాపిస్తాడు".
3. కాటువేసే జంతువుల నుండి రక్షణ
ఇమాం కాజిం[అ.స]ల వారు ఈ విధంగా ప్రవచించారు: "ఎవరైతే ప్రతీ నమాజు తరువాత ఆయతుల్ కుర్సీని పఠిస్తారో వారికి కాటు వేసే విషయుక్త జంతువుల నుండి ఎటువంటి హానీ జరగదు".
4. మీ ప్రయాణాన్ని ఆయతుల్ కుర్సితో ప్రారంభించండి
ఇమాం సాదిఖ్[అ.స]ల వారు ఈ విధంగా సెలవిచ్చారు: "మీ ప్రయాణాన్ని సద్ఖా[దానం] లేదా ఆయతుల్ కుర్సితో ప్రారంభించండి".
5. వుజూ తరువాత ఆయతుల్ కుర్సీని పఠించడానికి గల పుణ్యం
ఇమాం బాఖర్[అ.స]ల వారు ఈ విధంగా సెలవిస్తున్నారు: "ఎవరైతే వుజూ చేసిన తరువాత ఒక సారి ఆయతుల్ కుర్సీని పఠిస్తారో వారికి ఆ అల్లాహ్ నలభై సంవత్సరాల తనను ఆరాధించటానికి గల పుణ్యమును వారికి ప్రదానం చేస్తాడు మరియు వారి హోదా నలభై రెట్లు పెంచబడుతుంది".

రెఫరెన్స్
1. ల ఆలియుల్ అఖ్బార్,1వ భాగం,పేజీ నం:208 మరియు 3వ భాగం,పేజీ నం:357
2. మసబీహుద్ దుజా,పేజీ నం:1011
3. ఫురూయె కాఫి,4వ భాగం,పేజీ నం:283.