ఖలమ్ సూరహ్

ఖుర్ఆన్ యొక్క 68వ సూరహ్ ఇది. “ఖలమ్” అనగ కలము. ఈ సురహ్ కు సంబంధించిన ఆయత్ ఈ సూరహ్ లోని మొదటి ఆయత్. ఈ సూరహ్ లో “ఖలమ్” అను పదం 1 సారి మరియు పూర్తి ఖుర్ఆన్ లో 4 సార్లు(2 సార్లు ఏకవచనంగా మరియు 2 సార్లు బహువచనంగా) వచ్చింది. ఈ సూరహ్ లో 52 ఆయత్‍లు, 301 పదాలు మరియు 1288 అక్షరాలు ఉన్నాయి. ఈ సూరహ్ లో “అల్లాహ్” పదం 3 సార్లు వచ్చింది. ఈ సూరహ్ మక్కాలో అవతరించబడింది. దీని కన్నా ముందు “అలఖ్” సూరహ్ మరియు దీని తరువాత “ముజ్జమ్మిల్” సూరహ్ అవతరించబడ్డాయి. “ఖలమ్” సూరహ్ ను “నూన్” మరియు “వల్ ఖలమ్” అని కూడా అంటారు. “ఖలమ్” సూరహ్ నామకరణానికి కారణం ఈ సూరహ్ మొదటి ఆయత్ లో “ఖలమ్” అని ఉండడం. ఈ సూరహ్ ప్రతిష్టత గురించి ఇమామ్ జాఫరె సాదిఖ్[అ.స] ఇలా ప్రవచించెను “ఎవరైతే “ఖలమ్” సూరహ్ ను తన వాజిబ్ లేదా ముస్తహబ్ నమాజులలో పఠిస్తారో అల్లాహ్ అన్ని రకాల బీదతనం నుండి అతనికి రక్షణ ఇస్తాడు మరియు మరణించిన తరువాత సమాధి చీకటి నుండి రక్షింపబడతాడు”[మజ్మవుల్ బయాన్, భాగం10, పేజీ82].

రిఫ్రెన్స్
మజ్మవుల్ బయాన్, భాగం10, పేజీ82.