ఇన్షిఖాఖ్ సూరహ్

ఖుర్ఆన్ యొక్క 84వ సూరహ్ ఇది. “ఇన్షిఖాఖ్”, పదం “షఖ్” అను పదం నుండి వచ్చింది. “ఇన్షిఖాఖ్” అనగా బద్దలవ్వడం, చీల్చబడడం. ఈ సురహ్ కు సంబంధించిన ఆయత్ ఈ సూరహ్ లోని మొదటి ఆయత్. ఈ సూరహ్ లో “ఇన్షిఖాఖ్” అను పదం 1 సారి మరియు పూర్తి ఖుర్ఆన్ లో 28 సార్లు(షఖఖ్నా, అషుఖ్ఖు, షాఖ్ఖు, తషాఖ్ఖూన, తషఖ్ఖఖు, షుఖ్ఖహ్, షఖాఖ్ మరియు షఖ్కాఖీ అని పలు రకాలుగా) వచ్చింది. ఈ సూరహ్ లో 25 ఆయత్‍లు, 108 పదాలు మరియు 444 అక్షరాలు ఉన్నాయి. ఈ సూరహ్ లో “అల్లాహ్” పదం ఒకసారి వచ్చింది. ఈ సూరహ్ మక్కాలో అవతరించబడింది. దీని కన్నా ముందు “ఇన్ఫితార్” సూరహ్ మరియు దీని తరువాత “రూమ్” సూరహ్ అవతరించబడ్డాయి. “ఇన్షిఖాఖ్” సూరహ్ ను “ఇన్ షఖ్ఖత్” అని కూడా అంటారు. “ఇన్షిఖాఖ్” సూరహ్ నామకరణానికి కారణం ఈ సూరహ్ మొదటి ఆయత్ లో “ఇన్ షఖ్ఖత్” అన్న పద్దం ఉండడం. ఈ సూరహ్ ప్రతిష్టత గురించి దైవప్రవక్త[స.అ] ఇలా ప్రవచించెను “ఎవరైతే “ఇన్షిఖాఖ్” సూరహ్ ను పఠిస్తారో అల్లాహ్ అతడి కార్య పత్రికను వెనక నుండి వేయడు(అనగా నరకానికి పంపడు).[మజ్మవుల్ బయాన్, భాగం10, పేజీ301].

రిఫ్రెన్స్
మజ్మవుల్ బయాన్, భాగం10, పేజీ301.