అల్లాహ్ యే ٖమానవుని ఇహపరలోక కష్టాలను దూరం చేసే వాడు అని ఖుర్ఆన్ చెబుతుంది. వాటి సూచన.
ఖుర్ఆన్, ఇహపరలోక కష్టాల నుండి రక్షించేవాడు అల్లాహ్ మాత్రమే అని చెబుతుంది. కొన్ని ఆయత్లు మీ ముందు:
1. హజ్రత్ నూహ్[అ.స] మరియు అతని సహచరులను మునిగిపోకుండా కాపాడడం:
“తుదకు మేము అతన్నీ, అతని సహచరులను నిండు నౌకలో(ఎక్కించి) కాపాడాము”[షుఅరా సూరహ్:119].
2. హజ్రత్ మూసా[అ.స] మరియు అతని సహచరులను మునిగిపోకుండా కాపాడడం:
“అప్పుడు మేము మీ కోసం సముద్రాన్ని చీల్చి, మిమ్మల్ని సురక్షితంగా (ఆవలి ఒడ్డుకు) చేరవేశాము”[బఖరా సూరహ్:50]
3. హజ్రత్ ఇబ్రాహీమ్[అ.స]ను అగ్ని నుండి కాపాడడం:
“అల్లాహ్ అతన్ని అగ్ని నుంచి కాపాడాడు”[అన్కబూత్ సూరహ్:24)
4. ప్రవక్తలను మరియు వారిని విశ్వసించిన వారిని కాపాడడం:
“మరి మేము మా ప్రవక్తలను, విశ్వసించిన వారిని కాపాడేవారము. అదే విధంగా విశ్వసించిన వారిని కాపాడటం మా విధి”[యూనుస్ సూరహ్:103]
5. దుర్మార్గుల బారి నుండి కాపాడడం:
“ఫిర్ఔన్ మనుషుల బారి నుండి మేము మీకు విముక్తి నొసగాము. వారు మిమ్మల్ని దారుణంగా వేధించేవారు”[బఖరా సూరహ్:49]
6. ప్రతీ కష్టం నుండి కాపాడడం:
“ఈ విపత్తు నుండీ, అన్ని రకాల దుఖాల నుండీ మీకు విముక్తి నొసగేవాడు అల్లాహ్ యే. అయినా సరే మీరు (మేలును మరిచిపోయి) షిర్క్ కు ఒడిగడతారు” అని చెప్పు.[అన్ఆమ్ సూరహ్, 64].
7. ప్రళయంనాడు అల్లాహ్ పట్ల విశ్వాసం మరియు జిహాద్ వల్ల కాపాడడం:
“ఓ విశ్వాసులారా! మిమ్మల్ని వ్యధాభరితమైన శిక్ష నుండి రక్షించే వర్తకమేదో నేను మీకు తెలుపనా? మీరు అల్లాహ్ ను, ఆయన ప్రవక్తను విశ్వసించండి. అల్లాహ్ మార్గంలో మీ ధన ప్రాణాలొడ్డి పోరాడండి. మీరు గనక తెలుసుకోగలిగితే ఇది మీకు ఎంతో మేలైనది”[సఫ్ సూరహ్:10,11].
వ్యాఖ్యానించండి