దుబారా ఖర్చు ఇస్లాం ద్రుష్టిలో

సర్వసృష్టికర్త,విశ్వనిర్వాహకుడైన అల్లాహ్ సకలసృష్టిరాసులకు ఉనికిని ప్రసాదించి వారికి జీవనాధారాన్ని కూడా కల్పించాడు,కానీ మానవుడు మాత్రం ఆ అల్లాహ్ ఆజ్ఞలకు కట్టుబడి ఉండకుండా కొన్ని చోట్ల నిర్లక్ష్యంగా వ్యవహరిస్తాడు,ఆ నిర్లక్ష్యపు వైఖరే మానవునికి ఎన్నో పాపాలకు దారి చూపిస్తుంది వాటిలోనుంచే ఒకటి ఆ మానవుడు చేసే దుబారా ఖర్చు మరియు జీవనాధారాన్ని వృధాచేయటం,ఈ వైఖరిని ఆ మహాప్రవక్త[స.అ.వ] ద్వారా పంపబడిన దివ్యఖురాన్ మరియు హదీసులలో ఖండించడం జరిగింది.
దుబారా ఖర్చు చేసే వారు షైతాన్ సోదరులు:
إِنَّ ٱلْمُبَذِّرِينَ كَانُوٓا۟ إِخْوَٰنَ ٱلشَّيَٰطِينِ ۖ وَكَانَ ٱلشَّيْطَٰنُ لِرَبِّهِۦ كَفُورًۭا
దుబారా ఖర్చు చేసేవారు షైతానుల సోదరులు. మరి షైతానేమో తన ప్రభువునకు కృతఘ్నుడు.[అల్-ఇస్రా/27].
మితిమీరే వారిని[వృధా చేసే వారిని] ఆ అల్లాహ్ ఇష్టపడడు:
يَٰبَنِىٓ ءَادَمَ خُذُوا۟ زِينَتَكُمْ عِندَ كُلِّ مَسْجِدٍۢ وَكُلُوا۟ وَٱشْرَبُوا۟ وَلَا تُسْرِفُوٓا۟ ۚ إِنَّهُۥ لَا يُحِبُّ ٱلْمُسْرِفِينَ
ఓ ఆదం సంతతివారలారా! మీరు మస్జిదుకు హాజరైన ప్రతిసారీ వస్త్రాలంకరణ పట్ల శ్రద్ధ వహించండి. తినండి, త్రాగండి. కాని మితిమీరకండి. మితిమీరిపోయే వారిని[వృధా చేసేవారిని] ఆయన(అల్లాహ్‌) ఇష్టపడడు.[అల్-ఆరాఫ్/31].
ఇమాం సాదిఖ్[అ.స]ల వారు ఈ విధంగా సెలవిచ్చారు: "వృధాకార్యం పేదరికానికి మూలం మరియు నియంత్రణ స్వతంత్రత్వానికి మూలం[కారణం]".[అల్-కాఫి,4వ భాగం,పేజీ నం:53]

రెఫరన్స్
షేఖ్ కులైనీ, అల్-కాఫి,4వ భాగం,పేజీ నం:53.