జియరతే ఆషూరా యొక్క ప్రతిఫలం

జియరతే ఆషూరా మరియు దానికి గల ప్రాముఖ్యతను హదీసులలో చాలా చోట్ల వివరించడం జరిగింది ఈ క్రమంలో అయతుల్లహ్ దస్తఘైబ్ పుస్తకమైన "దాస్తాన్ హాయె షిగుఫ్త్" లో ఒక వర్ణనం దొరుకుతుంది:
వంద సంవత్సరాల క్రితం నజఫ్(ఇరాక్) ఉలమాలలో ఒకరు తన స్వప్నంలో ఇజ్రాఈల్(మ్రుత్యుదూత)ను చూసారు,సలాము జవాబు అయ్యిన తరువాత ఎక్కడి నుండి వస్తున్నావు? అని ప్రశ్నించారు,దానికి జవాబిస్తూ ఇజ్రాఈలు ఈ విధంగా అన్నారు:నేను షీరాజ్(ఇరాన్ లో ఒక నగరం పేరు) నుండి వస్తున్నాను అక్కడ మీర్జా ఇబ్రహీం మెహల్లాతి గారి ఆత్మను స్వాధీనం చేసుకోవటానికి వెళ్ళాను,ఆయన(మీర్జా ఇబ్రహీం) ఇప్పుడు ఏ పరిస్తితిలో ఉన్నారు అని ఆ మ్రుత్యుదూతో ప్రశ్నించారు,దానికి జవాబిస్తూ ఇజ్రాఈలు ఈ విధంగా అన్నారు:
వారు బర్జఖ్ లోని తోటలలో సేదతీరుతూ అద్భుతమైన జీవితాన్ని గడుపుతున్నారు,అల్లాహ్ ఆయన ఆజ్ఞా పాలనకు వెయ్యి మంది దూతలను నియమించాడు.మరలా ఆయన ఆ దేవదూతను ప్రశ్నిస్తూ ఈ విధంగా అన్నారు: వారు తన జ్ఞానం తన బోధన వలన లేదా తన శిష్యులకు మంచి శిక్షణ ఇవ్వటంవలన ఈ స్థానాన్ని సంపాదించారా? అని ప్రశ్నించారు. దానికి ఇజ్రాఈల్ కాదు అని సమాధానమిచ్చారు,మరలా ప్రశ్నిస్తూ:మరి జమా'అత్ నమాజు లేదా అహ్కాం లను భోదించడం వలన ఆయనకు ఈ స్థానం లభించిందా? అన్నారు,దాని వలన కూడా కాదు అని ఇజ్రాఈలు అన్నారు,మరి ఏ కారణంగా ఆయన ఈ సుఖాలను పొందారు? అని ప్రశ్నించారు,దానికి సమాధానంగా ఇజ్రాఈలు "ఆయన ఈ ప్రతి ఫలాన్ని జియరతే ఆషూరాను చదవటం వలన పొందరు" అని అన్నారు.
మీర్జా ఇబ్రహీం ఈ జియరత్ ను తన జీవితపు ఆఖరి ముప్పై సంవత్సరాలలో నిరంతరం చదివేవారు,ఒక వేళ అనారోగ్యం లేదా వేరే కారణంగా చదవలేకపోతే ఒక సహయకుడిని నియమించి అతని ద్వారా చదివించేవారు.

రెఫరెన్స్
దాస్తాన్ హాయె షిగుఫ్త్ అంగీజ్,110వ హికాయత్.