ప్రతీ పనిని ఆ అల్లాహ్ పేరుతో ప్రారంభించడం వలన సాఫల్యం తప్పక ప్రాప్తిస్తుంది.
ప్రతీ దూఅ ముందు "బిస్మిల్లాహిర్రహ్మానిర్రహీం": దైవప్రవక్త[స.అ]ల వారు ఈ విధంగా సెలవిచ్చారు: ఎవరైతే దూఅ చేసే ముందు బిస్మిల్లాహిర్రహ్మానిర్రహీం చదువుతారో ఆ దూఅ తిరస్కరింపబడదు.[అద్ దావాత్,పేజీ నం: 52].
వుజూకు ముందు "బిస్మిల్లాహిర్రహ్మానిర్రహీం": మహనీయప్రవక్త[స.అ]ల వారు ఈ విధంగా ప్రవచించారు: ఎవరైతే వుజూ చేసే ముందు బిస్మిల్లాహిర్రహ్మానిర్రహీం చదువుతారో అతని అన్ని అవయవాలు పాపాల నుంచి శుధ్ధి చేయబడతాయి.(వసయెలుష్ షియా,1వ భాగం,పేజీ నం: 398).
ప్రతీ పని ముందు "బిస్మిల్లాహిర్రహ్మానిర్రహీం": ఇమాం అలి[అ.స]ల వారు ఈ విధంగా సెలవిచ్చారు: ఎవరైతే ఎదైనా చెప్పాలి లేదా ఏ పనైనా చేయాలి అనుకుంటాడో అతను బిస్మిల్లహిర్రహ్మానిర్రహీం చదవవలెను దానితో అతనికి ఆ పనిలో వృధ్ధి,లాభం కలుగుతుంది. [తఫ్సీరే ఇమాం హసన్ అస్కరి[అ.స],పేజీ నం:25].
కష్టాల నుండి విముక్తికి "బిస్మిల్లాహిర్రహ్మానిర్రహీం": ఇమాం కాజిం[అ.స]ల వారు ఈ విధంగా సెలవిస్తున్నారు: ఎదైనా పనిలో ఇబ్బందులు కలిగి అవి బాధించినప్పుడు ఎవరైతే తన తలను ఆకాశం వైపుకు ఎత్తి మూడు సార్లు బిస్మిల్లాహిర్రహ్మానిర్రహీం చదువుతారో ఆ అల్లాహ్ అతని ఆ పనిలో కష్టాలను తొలగించి అతని బాధను దూరంచేస్తాడు.[మకారిముల్ అఖ్లాఖ్,పేజీ నం:347].
వ్యాఖ్యానించండి