అౙానుకు గల ప్రాముఖ్యతను హదీసుల అనుసారంగా ఈ క్రింది వ్యాసంలో వివరించటం జరిగింది.
నమాజుకు ముందు ఇవ్వబడే అౙాను కేవలం నమాజుకు రమ్మని పిలవటం మాత్రమే కాదు వేరే ప్రత్యేకతలు కూడా ఉన్నాయి, వాటిని హదీసులలో ప్రస్థావించటం జరిగింది.
ఆకాశపు వాసులు వినే ఏకైక స్వరం:
దైవప్రవక్త[స.అ]ల వారు ఈ విధంగా ప్రవచించారు: “నిశ్చయంగా ఆకాశపు వాసులు భూలోకంపై నివసించే వారి శబ్దాలలో ఒక్క అౙాను యొక్క స్వరాన్ని తప్ప ఎటువంటి శబ్దాలను వినలేరు”.
ఆచారాలను ఉత్తమంగా చేస్తుంది:
ఇమాం అలి[అ.స]ల వారు ఈ విధంగా సెలవిచ్చారు: “దురాచారుని(ఎవరైతే దురలవాట్లకు బానిసయ్యడో అతని) చెవిలో అౙాను పలకండి”.
షైతాను దూరమవుతాడు:
దైవప్రవక్త[స.అ]ల వారు ఈ విధంగా సెలవిచ్చారు: “షైతాను ఎప్పుడైతే అజాను యొక్క శబ్దాన్ని వింటాడో (మీ నుండి దూరంగా) పారిపోతాడు”.
భగవంతుని ద్రుష్టిలో భాగ్యవంతుడు:
దైవప్రవక్త[స.అ]ల వారు ఈ విధంగా సెలవిస్తున్నారు:
ఎవరైతే అౙానును విని దాని వైపు ద్రుష్టిని సారిస్తాడో అతను ఆ భగవంతుని వద్ద భాగ్యవంతునిగా పరిగణించబడతాడు.
రెఫరెన్స్
మీౙానుల్ హిక్మహ్,1వ భాగం, పేజీ నం:82, పేజీ నం:84.
వ్యాఖ్యలు
Mashallah
వ్యాఖ్యానించండి