హజ్రత్ అలీ[అ.స] ఖిలాఫత్ అధికార కాలంలో జరిగిన ఒక సంఘటన.
ఇమామ్ అలీ[అ.స] వ్యాపారస్తులనూ పరిశీలించడానికై బజారుకు వెళ్తూ ఉండేవారు మరియు వారికి సద్భోదిస్తూ ఉండేవారు. ఒకరోజు ఇమామ్ కర్జూర పండ్లు అమ్మేవారి బజారుకు వెళ్ళారు, అక్కడ ఒక పాపను ఏడుస్తుండగా చూసి ఎందుకు ఏడుస్తున్నావు? అని అడిగారు. ఆ పాప “నా యజమాని నాకు ఒక దిర్హమ్ ఇచ్చి బజారుకు వెళ్ళి కర్జూరం తీసుకురమ్మని అన్నాడు” నేను ఈ దుకాణం నుండి కర్జూరాలు కొని ఇంటికి తీసుకొని వెళ్ళాను, అవి మా యజమానికి నచ్చలేదు, వాటిని తిరిగి ఇచ్చి నా డబ్బులు తీసుకుందామని వచ్చాను.
ఇమామ్ ఆ దుకాణం యజమానితో ఇలా అన్నారు: ఈ పాప చిన్నపాప, ఒకరి బానిస, నిర్ణయం తీసుకునే స్వచ్ఛలేనిది, ఈ కర్జూర పండ్లు తీసుకొని డబ్బును తిరిగి ఇచ్చేయి. ఆ దుకాణం యజమాని నిలబడి ఇమామ్ అలీ[అ.స] గుండెల మీద చేయి పెట్టి దుకాణం నుండి క్రిందికి దింపేయాలిని అనుకున్నాడు.
ఈ సంఘటనను చూస్తున్నవారు ఆ యజమానితో “ఇతను అలీ ఇబ్నె అబీతాలిబ్” అని అన్నారు. అంతే దుకాణం యజమని ముఖం పచ్చబడింది. వెంటనే ఆ పాపనుండి కర్జూరపు పండ్లు తీసుకొని డబ్బులు తిరిగి ఇచ్చి ఇమామ్ అలీ[అ.స]తో “స్వామీ మీరు నా పట్ల సమ్మతాభావం కలిగే ఉండండి మరియు నా తప్పును మన్నించండి” అని కోరాడు.
అప్పుడు ఇమామ్ అలీ[అ.స] ఇలా అన్నారు: “నాకు సమ్మతాభావం కలగాలంటే ఒకే మార్గం ఉంది, అది నువ్వు నీ ఈ స్వభావాన్ని మార్చుకొని మంచి రీతిని సొంతం చేసుకోవడం”[బిహారుల్ అన్వార్, భాగం9, పేజీ519]
రిఫ్రెన్స్
అల్లామా మజ్లిసీ, బిహారుల్ అన్వార్.
వ్యాఖ్యలు
Mashallah
Mashallah
వ్యాఖ్యానించండి