నహ్‏ల్ సూరహ్

ఖుర్ఆన్ యొక్క పదహారవ సూరా ఇది. “నహ్‏ల్” అనగ తేనెటీగ. ఈ సురాకు సంబంధించిన ఆయత్ ఈ సూరాలోని 68వ ఆయత్. ఈ సూరాలో “నహ్‏ల్” అను పదం 1 సారి మరియు పూర్తి ఖుర్ఆన్ లో 1 సారి వచ్చింది. ఈ సూరాలో 128 ఆయత్
లు, 1845 పదాలు మరియు 7838 అక్షరాలు ఉన్నాయి. ఈ సూరాలో “అల్లాహ్” పదం 84 సార్లు వచ్చింది. ఈ సూరా మక్కాలో అవతరించబడింది. దీని కన్నా ముందు “కహఫ్” సూరా మరియు దీని తరువాత “నూహ్” సూరా అవతరించబడ్డాయి. దీని పేరు “నహ్‏ల్” అని పెట్టడానికి కారణం అందులో తేనెటీగ ప్రస్తావన ఉండడం. ఇమామ్ ముహమ్మద్ బాఖిర్[అ.స] వచనానుసారం ఎవరైనా నెలలో ఒక్క సారి నహ్‏ల్ సూరాను పఠించినా అతను ప్రాపంచిక కోరికలకు బానిస అవ్వడు. మరియు 70 వ్యాధుల నుండి సురక్షితంగా ఉంటాడు వాటిలో చాలా చిన్నవి పిచ్చి, కుష్టూ మొదలైనవి. మరి అతని స్ధానం స్వర్గంలో అతిఉత్తమ స్ధానం అయి ఉంటుంది.