మంచి కానుక

అనస్ ఇబ్నె మాలిక్ ఉల్లేఖనం: ఇమామ్ హసన్[అ.స] యొక్క దాసులలో ఒకదాసి ఒక పువ్వును ఇమామ్ కు కానుకగా ఇచ్చింది. ఇమామ్ ఆ పువ్వును తీసుకొని ఆమెతో “నిన్ను అల్లాహ్ మార్గంలో విముక్తని ప్రసాదిస్తున్నాను” అన్నారు. నేను వారితో ఇలా అన్నాను: “యబ్న రసూరల్లాహ్! నిజంగానే విలువలేని ఒక పువ్వుకు బదులు మీరు ఆ దాసిని విముక్తిని ప్రసాదించారా?” ఇమామ్ ఇలా అన్నారు: దానం యొక్క సంపూర్ణత ఏమిటంటే నీ వద్దనున్నదంతా దానం చేసేయాలి, మరి ఆ దాసి వద్ద ఈ ప్రాపంచిక సంపదలో ఆ పువ్వు తప్ప మరేదీ లేదు. అల్లాహ్ ఖుర్ఆన్ లో ఇలా ఉపదేశించెను: “ఎవరైనా మీకు మంచిగా పరకరించినప్పుడు మీరు కూడా అదే విధంగా లేక అంతకంటే ఉత్తమరీతిలో జవాబు ఇవ్వండి...”[నిసా:86]. ఆమె ఇచ్చిన కానుకకు బదులు, ఆమె విముక్తికి మించిన బదులు లేదు.[మనాఖిబె ఆలె అబీతాలిబ్, భాగం4, పేజీ18]

రిఫ్రెన్స్
మనాఖిబె ఆలె అబీతాలిబ్, ఇబ్నె షహ్రె ఆషూబ్.