త్రాగుబోతుతో సహవాసం దైవప్రవక్త[స.అ] దృష్టిలో

దైవప్రవక్త[స.అ] ఉల్లేఖనం: “యూదులకు మరియు క్రైస్తవులకు సలామ్ చేయి కాని త్రాగుబోతుకు మాత్రం సలామ్ చేయకు, ఒకవేళ అతడు నీకు సలామ్ చేస్తే వాడికి జవాబు ఇవ్వకు”[బిహారుల్ అన్వార్, భాగం79, పేజీ152]
దైవప్రవక్త[స.అ] ఉల్లేఖనం: “యూదుల మరియు క్రైస్తవుల పొరుగులో ఉండడం, ఒక త్రాగుబోతు పొరుగులో ఉండడం కన్నా మంచిది. త్రాగుబోతుతో స్నేహం చేయకండి ఎందుకంటే వాడితో స్నేహం నిరంతర బిడియంతో ముడిపడి ఉంటుంది”[బిహారుల్ అన్వార్, భాగం79, పేజీ152].
దైవప్రవక్త[స.అ] ఉల్లేఖనం: “ఎవరైతే అల్లాహ్ మరియు అంతిమదినాన్ని విశ్వసిస్తారో వారు మద్యం ఉన్న టేబుల్ పై కూర్చోరు”[బిహారుల్ అన్వార్, 79, పేజీ129].
దైవప్రవక్త [స.అ] ఉల్లేఖనం: “త్రాగుబోతు ఏదైన చెబితే వాటిని సమ్మతించకండి, పెళ్ళిచూపులకు వస్తే వాడికి పల్లనివ్వకండి, వాడికి రోగమొస్తే చూడడానికి వెళ్ళకండి, చచ్చిపోతే వాడ్ని పూడ్చకండి, వాడిని నమ్మి వాడికి వస్తువులను ఇవ్వకండి; మరి ఎవరైతే వాడిని నమ్మి తమ వస్తువులను ఇస్తారో అవి పోతే, అల్లాహ్ వాటి రక్షణ బాధ్యత తీసుకోడు, వాడితో ఏ పని చేయించుకోకండి; ఎందుకంటే అల్లాహ్ ఖుర్ఆన్ లో ఇలా ప్రవచించెను: “మీ సొమ్మును అవివేకుల పరం చేయకండి” త్రాగుబోతులకు మించిన అవివేకులెవరుంటారు?![బిహారుల్ అన్వార్, భాగం79, పేజీ127].