శుక్రవారం దానం

"అబూ హంజా సుమాలి" ఉల్లేఖనం: ఒకసారి శుక్రవారం నాడు నేను ఫజ్ర్ నమాజును ఇమాం సజ్జాద్[అ.స] వెనకాల జమాఅత్ తో చదివాను. నమాజ్ తరువాత ఇమాం సజ్జాద్[అ.స] వారి ఇంటి వైపు నడవసాగారు. వారు ఇంట్లో ప్రవేసించిన తరువాత వారి పనిమనిషి అయిన సకీనాను పిలిచి “ఈ రోజు శుక్రవారం, ఈ రోజు ఏ యాచకుడు వచ్చి నా తలుపు తట్టినా, అతడ్ని కాళీ చేతులతో పంపవద్దు” అని అన్నారు. ఇది విని నేను “స్వామీ! ప్రతీ యాచకుడు పేదవాడు కాడుగా?” అని అన్నాను. దానికి ఇమాం[అ.స] “ఔను, నాకూ తెలుసు, కాని ఖాళీ చేతులతో తిరిగి వెళ్ళేవాడు నిజంగా పేదవాడు అయి ఉండీ, అతడిని ఖాలీ చేతులతో పంపడం ద్వార నేను ఎక్కడ అల్లాహ్ ఆగ్రహానికి గురి అవుతానేమోనన్నభయం నాకు ఉంటుంది” అని అన్నారు.

రెఫరెన్స్: తఫ్సీరె అయాషి, 2వ భాగం, పేజీ నం:167, హదీసు నం:5.