సంగ్సార్ విషయంలో ప్రముఖ సహాబీయుల మధ్య అభిప్రాయబేధం

జకాత్ చెల్లించని వారిని చంపాలనే విషయంలోనే కాకుండా అబూబక్ర్ ఖిలాఫత్ ఆరంభకాలంలో మరో సంఘటనలో కూడా హజ్రత్ అబూబక్ర్ కి ఉమర్‌తో అభిప్రాయభేదం ఏర్పడింది. ఖుర్ఆన్ ఆయతులు మరియు దైవప్రవక్త[స.అ] ప్రవచనాలను తమ ఇష్టానుసారంగా తప్పుగా మార్చివేశారు. ఇది “ఖాలిద్ బిన్ వలీద్” సంఘటన. ఇతడు “మాలిక్ బిన్ నువైరహ్‌”ను కనికరం లేకుండా చంపేశాడు. మరియు అదే రాత్రి అతని భార్యతో సంభోగించాడు. అందుకు ఉమర్, ఖాలిద్‌తో ఇలా అన్నారు: “ఓ అల్లాహ్ విరోధి! నీవు ఒక ముస్లిమును చంపావు. అతని భార్యపై అత్యాచారం చేశావు. అల్లాహ్ సాక్షిగా నేను నీకు సంగ్సార్ చేయిస్తాను”.[తబరీ, భాగం3, పేజీ 280]
కాని అబూబక్ర్, ఖాలిద్ తరపు నుండి వాదించారు. మరి ఉమర్‌తో ఇలా అన్నారు: “ఉమర్! ఖాలిద్‌ను క్షమించు. అతను అర్ధంచేసుకోవడంలో తప్పు చేశాడు. ఇక అతని గురించి నోరు కదపకు”.
సంగ్సార్ అనగ ఇస్లాం ధర్మానుసారంగా ఒకరకమైన శిక్ష - (వ్యభిచారాన్ని చేసినవారికి నడుములోతు వరకు భూమిలో పాతిపెట్టి తరువాత రాళ్ళతో కొట్టి చంపుతారు).

రిఫరెన్స్
తబరీ, భాగం3, పేజీ 280; తారీఖె అబుల్ ఫిదా, భాగం 1, పేజీ 158; తారీఖె యాఖూబీ, భాగం 2, పేజీ 110; అల్ ఇసాబహ్, భాగం 3, పేజీ 336.