అప్పు చేయటం ఇష్టం లేదు

ఒక రోజు ఇమాం అలి[అ.స] ల వారు ఒక మాంసాన్ని విక్రయించే దుకాణం మీదుగా వెళ్ళటం జరిగింది అది చూసిన కసాయి ఇమాం అలి[అ.స] ల వారితో "ఓ అమీరుల్ మొమినీన్ నా వద్ద తాజా,మంచి మాంసము వచ్చియున్నది,మీ ఇంటివారి కొరకు దానిలో నుండి కొంత కొనగలరు" అని అన్నాడు.దానికి ఇమాం అలి[అ.స] ల వారు నా వద్ద ప్రస్తుతం డబ్బులు లేవు అని అన్నారు.తిరిగి కసాయి పరవాలేదు నేను మీరు డబ్బులు ఇచ్చే వరకు సహనాన్ని పాఠించగలను[డబ్బులు తరువాత చెల్లించగలరు] అని అన్నాడు.దానికి ఇమాం అలి[అ.స] నేను మాంసాన్ని కొనటం పట్ల సహనాన్ని పాఠించగలను కానీ అప్పుగా తీసుకోలేను అని చెప్పి మాంసాన్ని కొనకుండా తన దారిన వెళ్ళిపోయారు. తమ స్థాయికి మరియు అవసరాలకు మించి ఖర్చులు చేసి అప్పుల బారిన పడే వారికి ఇమాం అలి[అ.స] ల వారి ఈ సంఘటన ఒక గుణపాఠం.

రెఫరెన్స్: ఇర్షాదుల్ ఖులూబ్,దైలమి,పేజీ నం:119.