షాబాన్ మాసంలో ప్రాయశ్చితం

షాబాను మాసమునకు ఉన్న ప్రత్యేకతే వేరు.షాబాన్ మాసమును దైవప్రవక్త[స.అ.వ] ల వారు తన మాసముగా అభివర్ణించటం జరిగింది.ఈ మాసములో దైవప్రవక్త[స.అ.వ] ల వారు మరియు వారి పరివారంపై సలవాత్ పంపటం కూడా ఈ మాసపు అత్యంత ఉత్తమమైన కార్యాలలో ఒకటి.ముఖ్యంగా సలవాతె షాబానియా పఠించమని తాకీదు కూడా జరిగింది.అలాంటి ప్రత్యేకతలున్న ఈ మాసంలో ఆ దేవుని సన్నిధిలో ప్రాయశ్చితాన్ని కోరుకోవటం పట్ల కూడా హదీసులు తాకీదులు చేస్తున్నాయి. ఒక హదీసులో ఇమాం రిజా[అ.స] ల వారు ఈ విధంగా సెలవిస్తున్నారు: ఈ మాసంలో అత్యంత ఉత్తమమైన ప్రార్ధన ఆ దేవుని సన్నిధిలో ప్రాయశ్చితాన్ని కోరుకోవటం.ఎవరైతే ఈ మాసంలో 70 సార్లు అస్తగ్ఫిరుల్లాహ్ పలుకుతారో ఇతర మాసాలలో 70 వేల సార్లు ఇస్తెగ్ఫార్ పలికినట్లు.ఆ ఇష్తెగ్ఫార్ పలికే విధానం: "అస్తగ్ఫిరుల్లాహ వ అస్ అలుహుత్తౌబ".

రెఫరెన్స్: ఫజాయెలొ అష్ హరిస్సలాసహ్,పేజీ నం: 56.