షాబాన్ మాసపు చివరి మూడు ఉపవాసాలు

షాబాన్ మాసము తన కృప మరియు కారుణ్యంతో మనల్ని వీడ్కోలు పలికే సమయం వచ్చేసింది.ఈ మాసాన్ని ఆ దేవుని దయ మరియు అతని సామిప్యాన్ని పొందటానికి ఏ మాత్రం కృషి చేశాము?అని మనల్ని మనము ప్రశ్నించుకునే అవసరముంది.ఒక వేళ మనము ఆ కృపాశీలుడైన అల్లాహ్ దయను అతని సామిప్యాన్ని పొందలేకపోయామా? లేదా ఈ మాసాన్ని ఏ విధంగా అయితే అల్లాహ్ యొక్క నిజమైన దాసులు ఆదరిస్తారో ఆ విధంగా ఆదరించలేకపోయామా? అని అనుకుంటే ఈ మాసం యొక్క చివరి రోజులు మనకు మరొక అవకాశాన్ని ఇస్తున్నాయి.ఈ పూర్తి మాసంలో చేయలేకపోయిన పుణ్యకార్యాలను చేయటానికి మరియు ఆ దేవుని సన్నిధిలో ప్రాయశ్చితాన్ని ఈ షాబాన్ యొక్క చివరి రోజులలో పొందటానికి కృషిచేయగలము. ముఖ్యంగా ఈ మాసపు చివరి మూడు రోజులలో ప్రార్ధనలతో పాటు ఉపవాసముండమని చాలా హదీసులలో తాకీదు చేయటం జరిగింది.ఇమాం సాదిఖ్[అ.స] ల వారు ఒక హదీసులో ఈ విధంగా సెలవిస్తున్నారు: ఎవరైతే షాబాన్ మాసం యొక్క చివరి మూడు రోజులు ఉపవాసముండి వాటిని రమజాన్ మాసంతో కలుపుతారో,ఆ భగవంతుడు అతనికి ఒకదాని తరువాత ఒకటి రెండు మాసాల ఉపవాసం యొక్క పుణ్యాన్ని అతని కార్యాల చిట్టాలో లిఖిస్తాడు.

రెఫరెన్స్: వసాయెలుష్ షీయా,7వ భాగము,పేజీ నం:375,హదీసు నం:22.