పవిత్ర రమజాన్ ప్రాముఖ్యతను వివరించే మాసూముల హదీసులు.
1.దైవప్రవక్త[స.అ.వ] ల వారు ఈ విధంగా ఉల్లేఖించారు: స్వర్గంలో బాబుర్ రయ్యాన్ అని పిలవబడే ఒక ద్వారముంది.ఆ ద్వారము నుండి ఉపవాసమున్న వారు తప్ప వేరేవరూ స్వర్గంలోకి ప్రవేశించలేరు[బిహారుల్ అన్వార్,96వ భాగము,పేజీ నం:252].
2.ఇమాం అలి[అ.స]ల వారు ఈ విధంగా సెలవిస్తున్నారు: రమజాన్ మాసంలో ఎక్కువగా ప్రార్దించటం మరియు ప్రాయశ్చితాన్ని కోరటం మీకు అవసరం.ఎందుకంటే ప్రార్ధనలు మీ బాధలను కష్టాలను తొలగిస్తాయి మరియు ప్రాయశ్చితం ద్వారా మీ పాపాలు క్షమించబడతాయి[వసాయేలుష్ షీయా,4వ భాగము,పేజీ నం:223].
3.ఇమాం రిజా[అ.స] ల వారు ఈ విధంగా సెలవిచ్చారు: రమజాన్ మాసము కారుణ్య మాసము,కృప గల మాసము,క్షమింపబడే మాసము, పశ్చాత్తాపం యొక్క మాసము,ఆ దేవుని వైపుకు తిరిగి వచ్చే మాసము.ఎవరైతే ఈ మాసంలో క్షమించబడరో వేరే ఏ మాసంలో క్షమించబడతారు.[బిహారుల్ అన్వార్,96వ భాగము,పేజీ నం:341].
వ్యాఖ్యానించండి