సహాబీయులందరిలోనే ధైర్యశాలి

చరిత్ర గ్రథాలలో ఇలా ఉల్లేఖించబడి ఉంది: హజ్రత్ అలీ[అ.స] సహాబీయులందరిలో అందరి కన్న ధైర్యశాలి మరియు వీరుడు, సహాబీయులలో ఎవరినైతే వీరుడు అని అనుకునే వారో అతను కూడా చాలా యుద్ధాలలో యుద్ధ భూమిని వదిలి పారిపోయారు కేవలం హజ్రత్ అలీ[అ.స] తప్ప. అతను ఏ ఒక్క యుద్ధం నుండి కూడా పారిపోలేదు. హజ్రత్ అలీ[అ.స] యొక్క ధైర్యసాహసాలకు దైవప్రవక్త[స.అ] ఖైబర్ యుద్ధ సందర్భంలో అతనిని ఉద్దేశించి చెప్పిన ఈ మాటలే అన్నీటి కన్న పెద్ద సాక్ష్యం; దైవప్రవక్త[స.అ] ఖైబర్ యుద్ధ సందర్భంలో ఇలా ప్రవచించారు: “రేపు నేను ఎవరికైతే ఇస్లాం ధ్వజం ఇస్తానో అతను అల్లాహ్ మరియు ఆయన ప్రవక్త[స.అ]ను ఇష్టపడేవాడై ఉంటాడు, అల్లాహ్ మరియు ఆయన ప్రవక్త[స.అ] అతనిని ఇష్టపడేటువంటివాడై ఉంటాడు, శత్రువులను ఓడించే వాడై ఉంటాడు, యుధ్ద భూమిని వదిలి పారిపోయే వాడై ఉండడు, ఈమన్ ద్వార అల్లాహ్ అతడిని పరీక్షించినవాడై ఉంటాడు” మరుసటిరోజు సహాబీయులందరు ఎగబడి ధ్వజం పొందాలనే ఆలోచనలో ఉన్నారు కాని దైవప్రవక్త[స.అ], హజ్రత్ అలీ[అ.స]కు ధ్వజాన్ని ఇచ్చారు.[సహీ బుఖారీ, భాగం5, పేజీ12 మరియు భాగం5, పేజీ77. సహీ ముస్లిం, భాగం7, పేజీ121].

రిఫ్రెన్స్
సహీ బుఖారీ, భాగం5, పేజీ12 మరియు భాగం5, పేజీ77. సహీ ముస్లిం, భాగం7, పేజీ121, బాబొ ఫజాయిలు అలీ ఇబ్నె అబీతాలిబ్.