పవిత్ర రమజాన్ యొక్క 19,21,23 యొక్క రాత్రులను "షబె ఖద్ర్" అని పిలవటానికి గల కొన్ని కారణాలను ఇచట ప్రస్థావించటం జరిగింది.
పవిత్ర ఖురాను మరియు హదీసుల ఆధారంగా ఈ రాత్రి షబె ఖద్ర్ అని పిలవబడటానికి ఎన్నో కారణాలున్నాయి,వాటిలో కొన్ని కారణాలు:
1.లైలతుల్ ఖద్ర్ అంటే గొప్ప రాత్రి అని అర్ధం,ఖద్ర్ అంటే గౌరవం లేదా ప్రతిష్ట అని అర్ధం.షబ్ అంటే రాత్రి మరియు ఖద్ర్ అంటే ప్రతిష్ట,అంటే ప్రతిష్టాత్మకమైన రాత్రి అని అర్ధం.దివ్యఖురాను ఈ విధంగా సెలవిస్తుంది: నిశ్చయంగా మేము దీనిని(ఈ ఖురానును) ఘనమైన రాత్రి యందు అవతరింపజేసాము [అల్ ఖద్ర్/1].
2.ఈ రాత్రిలో ఎక్కువ సంఖ్యలో దైవదూతలు భూమికి విచ్చేస్తారు,అలాంటప్పుడు ఈ భూమి ఇరుకైపోతుంది.అందువలన ఈ రాత్రిని ఖద్ర్ అని అంటారు.ఖద్ర్ అంటే "ఇరుకు లేదా బిగుసుకుపోవటం" అని అర్ధం.
3.షబె ఖద్ర్ కు వేరొక అర్ధం "విధి",అంటే ఈ రాత్రిలో అల్లాహ్ దాసుల యొక్క విధి వచ్చే ఏడాది వరకు నిర్ణయించబడుతుంది.తఫ్సీరె అల్ బుర్హాన్ లో ఇమాం బాఖిర్[అ.స] ల వారు ఈ విధంగా సెలవిచ్చారు: షబె ఖద్ర్ లో అల్లాహ్ దాసుల యొక్క అన్ని వ్యవహారాలు,వచ్చే షబె ఖద్ర్ వరకు నిర్ణయించబడతాయి,వాటిలో మంచి చెడు,ఆజ్ఞ పాలన లేదా తిరస్కరణ,పుట్టుక మరియు చావు,జీవుల యొక్క జీవనాధారం మరియు ఆ సంవత్సరంలో జరగబోయే ప్రతీ విషయం నిర్ణయించబడుతుంది,అది కేవలం ఆ అల్లాహ్ కు తెలుసు.
4.కొందరు షబె ఖద్ర్ యొక్క అర్ధాన్ని "దివ్య ఖురాను అవతరణకు ఖరారు చేయబడిన రాత్రి" అని కూడా వివరించటం జరిగింది.
రెఫ్: షబె ఖద్ర్ ఖల్బె మాహె రమజాన్,నాసిర్ బాఖిరి,బీద్ హింది,ఇంతెషారాతె దఫ్తరె తబ్లీఘాతె ఇస్లామియె హౌజయె ఇల్మియయె ఖుం,1376.
వ్యాఖ్యానించండి