.ఫాతెమా జహ్రా[అ.స] ఇంటికి వచ్చి ఇంటిని తగలబెడతానని బెదిరించిన సంఘటన ప్రముఖ రచయిత తన గ్రంథంలో ఉల్లేఖించిన రివాయత్.
![ఫాతెమా జహ్రా[అ.స] ఇంటి పై దాడి ప్రముఖ రచయిత ఉల్లేఖనం](https://te.btid.org/sites/default/files/field/image/77217_345.jpg)
అహ్లె సున్నత్ యొక్క ప్రముఖ రచయిత, హదీస్ జ్ఞానంలో ముఖ్యా గ్రంథాలు రచించినటువంటి “ఇబ్నె ఖుతైబహ్” తన గ్రంథం “అల్ ఇమామతు వస్సియాసహ్”లో ఇలా ఉల్లేఖించారు: అబూబక్ర్, ఎవరైతే అతని బైఅత్ ను అంగీకరించకుండా అలీ[అ.స] ఇంట్లో సమావేశమైయ్యారో వారి గురించి తెలుసుకొని ఉమర్ ను వారి వద్దకు పంపారు. అతను అలీ[అ.స] ఇంటికి వచ్చారు మరియు అందరిని బయటికి రండి అని పిలిచారు. వారెవ్వరూ ఇంటి నుండి బయటకు రాలేదు, అప్పుడు ఉమర్ కట్టెలను తీసుకొని రండి అని కోరి ఇలా అన్నారు: “ఉమర్ ప్రాణాల పై అధికారం కలిగివున్న ఆ అల్లాహ్ సాక్షిగా చెబుతున్నాను బయటకి రండి లేకపోతే ఇంటిని తగలబెట్టి మీ తలపై కూల్చేస్తాను”. ఒకడు ఉమర్ తో ఇలా అన్నాడు: “ఓ అబూ హఫ్సా(ఉమర్ యొక్క కున్నియత్) ఈ ఇంట్లో దైవప్రవక్త[అ.స] కుమార్తె ఫాతెమా[అ.స] ఉంది”. ఉమర్: “ఉంటే ఉండని!!”[అల్ ఇమామతు వస్సియాసహ్, పేజీ12].
“ఇబ్నె ఖుతైబహ్” ఈ సంఘటన తరువాత మనసును కలచివేసే విధంగా ఉల్లేఖించారు. వారు ఇలా అన్నారు: “ఉమర్ కొంతమందితో పాటు ఫాతెమా గారి ఇంటికి వచ్చారు, తలుపు తట్టారు, ఫాతెమా[అ.స] వారి శబ్ధాలను విన్నప్పుడు, గట్టిగా ఇలా అన్నారు: “ఓ దైవప్రవక్త! మీ తరువాత ఖత్తాబ్ కుమారుడి మరియు అబీ ఖహాఫా నుండి మా పై ఎన్ని కష్టాలు పడ్డాయో”. ఉమర్ తో వచ్చిన వారు జహ్రా[అ.స] మాటలు మరియు రోధనను విని తిరిగి వెళ్ళిపోయారు కాని ఉమర్ కొందరితో పాటు అక్కడే ఉండిపోయి అలీ[అ.స] ను బయటకు తీసుకొచ్చి అతనిని అబూబక్ర్ వద్దకు తీసుకొని వెళ్ళి బైఅత్ చేయమని అన్నారు, అలీ[అ.స] “ఒకవేళ నేను బైఅత్ చేయకుంటే?”. వాళ్ళు: “అల్లాహ్ సాక్షిగా నీ తలను నరుకుతాం....,”
రిఫ్రెన్స్
అల్ ఇమామతు వస్సియాసహ్, పేజీ12, మక్తబతు తిజారతు కుబ్రా, మిస్ర్.
వ్యాఖ్యలు
Mashaallah.....Allah Salamat rakhe aap log ku.....
Refrence k saat haq baat ko samjhate hai....Jazakallah.
Bahot Bahot Shukriya site par aakar padhne ka aur comment kar k apna opinion bataane ka.
వ్యాఖ్యానించండి