బ్రతుకూ ఇతరులను బ్రతక నివ్వు

దైవప్రవక్త ముహమ్మద్[స.అ] గారి నిజమైన ఉత్తరాధికారి అయిన ఇమామ్ హుసైన్[అ.స]తో యజీద్ బైఅత్ చేయించుకోవడానికి ప్రయత్నించాడు కాని ఇమామ్ హుసైన్[అ.స] అన్యాయానికి విరుద్ధంగా మౌన పోరటం చేస్తూ తమ జన్మస్ధలమైన మదీనహ్ పట్టణాన్ని విడిచి ఏ దిక్కులేనివానిగా ఉండడానికైనా రాజీపడ్డారు గాని ఆ హింసావాదితో ప్రమాణాన్ని అంగీకరించలేదు. మదీనహ్
ను విడిచినపుడు ఇమామ్ హుసైన్[అ.స] “నేను (యజీద్‌ని వెతిరేకిస్తూ) గర్వంతో గాని లేదా దౌర్జన్యానికై గాని మదీనహ్
ను వీడవడం లేదు, నేను నా పితామహులైన దైవప్రవక్త ముహమ్మద్[స.అ] ఉమ్మత్ మేలు కోరకు బయలుదేరాను” అని అన్నారు.
యుద్ధానికి కూడా యజీదీయులు దాడి చేయనంత వరకు ఇమామ్ హుసైన్[అ.స] కత్తి చేతపట్టలేదు. చివరిక్షణాల వరకు “బ్రతుకూ ఇతరులను బ్రతక నివ్వు” అనే తమ సిధ్ధాంతాలను పాటిస్తూనే ఉన్నారు. కర్బలా రణరంగంలో ఇమామ్ హుసైన్[అ.స] తమ ఆత్మను బలిచ్చి మనకు ఆత్మగౌరవం, శాంతి ప్రియం మరియు చివరి శ్వాస వరకు సిధ్ధాంతాల పై ఓర్పు, సహనం మరియు ధైర్యంతో నిలబడాలని ఉపదేశించారు. అందుకే షియా ముస్లింలు వారి ఉపదేశాలు మరవకూడదని, అందరికి తెలియాలని ప్రతీ సంవత్సరం వారిని స్మరిస్తూ ఉంటారు. వారి చరిత్ర మరియు ఉపదేశాలు కేవలం ముస్లింలకే కాకుండా నాగరికత, సంస్కృతి ఎదుగుదల కోరే ప్రతీ ఒక్కరికి ఉత్తమమైనవి.