షానె నుజూల్

“షానె నుజూల్” పదం ఖుర్ఆన్ యొక్క ఆయతుల అవతరణకు సంబంధించినది. “షానె నుజూల్” అనగ ఒక ఆయత్ ఎప్పుడు మరియు ఏ సందర్భంలో అవతరించబడింది అని తెలుసుకోవడం. ఇలా తెలుకోవడం వల్ల ఆయత్ మనకు చెప్పాలనుకుంటున్న వాటిని చాలా మంచిగా మరియు సూక్ష్మంగా తెలుసుకోగలము. ఖుర్ఆన్ పట్ల మిక్కిలి జ్ఞానం కలిగి ఉన్న ఇమామ్ అలీ(అ.స)యే స్వయంగా దీని గురించి ఇలా ప్రవచించారు: “ఏ ఆయత్ ఎవరి గురించి, ఎక్కడ, ఎప్పుడు మరియు ఏ సందర్భంలో అవతరించబడిందో అంతా నాకు తెలుసు. నా అల్లాహ్, నాకు ఎరుక గల హృదయం మరియు మాట్లాడే మంచి పద్ధతిని ప్రసాదించాడు”
ఇలా కూడా ప్రవచించారు: “ఖుర్ఆన్ మూడు భాగాలలో అవతరించబడింది. ఒక భాగం మా గురించి మరియు మా శత్రువుల గురించి. ఒక భాగం పద్ధతులు మరియు నీతికథలు. ఒక భాగం కర్తవ్యాలు మరియు అహ్కాములు.” [ఉలూమే ఖుర్ఆన్, షానె నుజూల్ వివరణ అధ్యాయంలో]

రిఫ్రెన్స్
ఆయతుల్లాహ్ మారెఫత్, ఉలూమే ఖుర్ఆన్, షానె నుజూల్ వివరణ అధ్యాయంలో