జైనబ్ బింతె ఖుజైమహ్

“జైనబ్ బింతె ఖుజైమహ్”, ఈమె ఒహద్ యుద్ధంలో హతమార్చబడ్డ “అబ్దుల్లాహ్ ఇబ్నె జహిష్” యొక్క భార్య. భర్త ఒహద్ యుద్ధంలో మరణించిన తరువాత దైవప్రవక్త[స.అ] ఈమెను వివాహం చేసుకున్నారు. ఈమె అజ్ఞానపు కాలం(అనగా ఇస్లాం ధర్మం రాక ముందు)లో బీదవారికి, లేనివారికి చాలా సహాయం చేసేవారు, అందుకే ఆమె ఆ కాలంలో ఒక ప్రతిష్టత గల స్త్రీగా గుర్తించబడేవారు. ఆమెను “నిస్సహాయుల తల్లి”గా సంభోదించేవారు. ఆమె గౌరవాన్నీ మరియు ప్రతిష్టతను కాపాడేందుకు దైవప్రవక్త[స.అ] వారితో వివాహం చేసుకున్నారు.
వారి వివాహం హఫ్సహ్ బింతె ఉమర్ తో వివాహం తరువాత హిజ్రీ యొక్క 4వ సంవత్సరంలో జరిగింది.
దైవప్రవక్త[స.అ] యొక్క మరో భార్య పేరు కూడా జైనబ్ అని చరిత్రలో ఉంది. ఆ జైనబ్ వేరు ఈ జైనబ్ వేరు. మరో జైనబ్ పేరు గల భార్య “జహ్షె అసదీ” కుమార్తె. ఆమెతో వివాహం చేసుకోమని స్వయంగా అల్లాహ్ యే ఆదేశించాడు. ఇన్షాఅల్లాహ్ ఆమె గురించి కూడా తరువాత వివరంగా తెలుసుకుందాం.[షీవయే హంసర్దారీయె పయంబర్, పేజీ88].

రిఫ్రెన్స్
అహ్మద్ ఆబెదీనీ, షీవయే హంసర్దారీయె పయంబర్, తహ్రాన్, హస్తీ నుమా, చాపె దువ్వుమ్, 1382.