దైవప్రవక్త[స.అ] అద్భుతకృత్యముల ప్రస్తావనం ఖుర్ఆన్ లో

అల్లాహ్ దైవప్రవక్తలందరికీ వారి కాలానికి బట్టి అద్భుతకృత్యములను చేసే సామర్థ్యం ప్రసాదిస్తాడు అని ఖుర్ఆన్ యొక్క చాలా ఆయత్లలో ఉంది. రివాయతుల ప్రకారం దైవప్రవక్త[స.అ] యొక్క అద్భుతకార్యలు చాలా ఉన్నాయి. అదే విధంగా ఖుర్ఆన్ కూడా కొన్నింటిని ప్రస్తావించింది. నిజానికి పూర్తి ఖుర్ఆనే దైవప్రవక్త[స.అ] యొక్క అద్భుతకృత్యము. ఈ విషయాన్ని ప్రక్కన పెడితే వారు చేసిన ఒక్క అద్భుత కృత్యము చాలు వారి దౌత్యం యొక్క నిదర్శనానికి కాని కపటవర్తనులు, హీనమనస్కారులు అంత తొందరగా యదార్థాన్ని విశ్వసించరు. ఇక్కడ ఖుర్ఆన్ లో ఉన్న దైవప్రవక్త[స.అ] యొక్క అద్భుతకృత్యముల నుండి కొన్నింటిని ప్రదర్శిస్తున్నాము:  
1. షఖ్ఖుల్ ఖమర్: దైవప్రవక్త[స.అ] తన దౌత్యం పై నిదర్శనంగా చంద్రుడ్ని సైగు చేసి దానిని రెండు భాగాలుగా విభజించారు. [ఖమర్:1,2].
2. మేరాజ్: దైవప్రవక్త[అ.స] యొక్క ఆకాశ ప్రయాణం.[ఇస్రా:1].
3. ముబాహలహ్: క్రైస్తవుల పెద్దల మరియు దైవప్రవక్త[స.అ] మద్య చర్చ తరువాత పరస్పర దూషణకు సిద్ధం అవ్వడం మరియు మరుసటి రోజు వారు వచ్చే విధానాన్ని చూసి క్రైస్తవులు క్షమాపణకోరి వెనక్కి వెళ్ళిపోవడం.[ఆలె ఇమ్రాన్:61].